佘詩曼今日到銅鑼灣出席泳裝品牌宣傳，現場模特兒示範的泳衣，皆由阿佘親自設計。阿佘今次進軍設計師行列，以設計師身份與本地運動泳裝品牌合作，推出以個人名字命名的crossover泳衣產品。
阿佘表示，自己亦有示範多款泳裝，並會網上分享，她說：「我最多都只係着三點式，但自己着完影相唔覺得係三點式，因為甫士問題。我設計的款式有三點式，有一件頭，設計泳衣好有學問，想像到設計之餘要實際做到，要我公開着都OK。自從選港姐之後，只係喺拍攝《無名天使3D》時着過。」
阿佘表示，其設計的品牌有贊助香港小姐競選，她說：「個品牌幾年都有贊助佢哋，希望佢哋揀到啲我設計嘅款，同時勾起我好多選港姐回憶。」阿佘表示，下個目標是設計童裝泳衣，特別為自己10多個契仔契女設計泳裝，到時可以與他們一起行泳衣騷。
佘詩曼正忙於拍攝大陸劇《燕雲台》，與唐嫣合作，並於橫店、上海及內蒙等地取景，阿佘說：「天氣好熱，好似焗桑拿，仲要好耐冇試過拍打戲，感到有少少吃力。」
(資料來源：網上截圖/連結)
