馮盈盈近來頻頻性感現身，除咗喺最近熱播中嘅劇集《解決師》會同張頴康有場超激浴室親熱戲，佢亦不時喺社交網大派福利！呢日佢又分享咗幾張靚相，見佢着住一條Deep V古典長裙，谷出深長事業線，相當吸睛！
馮盈盈穿着一條deep V白色背心lace長裙，顯得高貴大方之餘，亦不忘小露性感，大方展露驕人事業線。有網友錯重點，話見到佢心口有塊透明大膠紙，唔通馮盈盈老貓燒鬚穿崩？馮盈盈就淡定回應網友澄清只係薄紗打底內襯，果然做足防走光措施！而好友江嘉敏亦留言：「我要睇真人！我唔要再睇相！」馮盈盈即表示：「幻想會破滅」認真謙虛！
馮盈盈一向體型較為纖瘦，略欠曲線美，不過近來她的身材卻變得更玲瓏浮凸，事業線亦較以前強勁，難怪她最近經常分享穿小背心靚相向粉絲大派福利！不少粉絲都紛紛留言表示：「好似愈來愈大！」、「是錯覺還是你再度發育？」、「深藏不露！」
「燈力十足」的馮盈盈間中也有買六合彩，笑言只會燈死自己，但幫人揀Number卻試過有斬獲，而她的幸運號碼是6，是當年參選港姐的號碼。問中巨獎會如何使用？她說：「今時今日一億都唔係特別多，仲會繼續努力工作㗎！」
