35歲鍾嘉欣和醫生老公Jeremy育有一子一女，湊成一個「好」字，大女Kelly已經2歲，細仔Jared剛滿10個月，做了人妻的嘉欣幾乎全面停工相夫教子，相隔3年，最近終於推出新歌《做你的晨曦》，早前更一家四口返港拍MV，溫馨滿瀉。
《做你的晨曦》由嘉欣親自作曲，她更為英文版《Mommy I Love You So》填詞。嘉欣說：「創作呢首歌嘅靈感係好自然，有晚哄當時9個月大嘅囡囡瞓覺，突然間有種唔捨得囡囡嘅感覺，希望自己可以喺地球上生存耐啲，每一刻都能夠陪住囡囡。就喺我拍住佢肚仔氹瞓覺時，呢首歌嘅旋律湧現腦海。」嘉欣希望用這首歌表達對仔女無條件的愛，錄音的時候更感動到眼濕濕。
一家四口首次齊齊出鏡，Kelly和Jared雖然不明白甚麼是拍MV，但表現得相當乖巧，所以拍攝過程非常順利。由於之前嘉欣經常在家中播這首歌，拍攝時2歲的Kelly已經識跟着唱，還將隨身攜帶的珠寶公仔貼紙，親自貼在每位工作人員身上，可愛表現逗得眾人十分開心。
嘉欣對於MV製作非常認真，之前跟導演開了多次會議，拍攝時又要分心照顧仔女，有感而發說：「現在作為一個媽媽，真正感受到做媽媽嘅辛勞，所以我覺得每位媽媽都係superwoman。」
(資料來源：網上截圖/連結)
