最近，有香港華御結迷「華御結黨」係Facebook分享自己食華御結飯團有異物嘅經歷，PO主本身覺得呢件事好小事，點知華御結個邊好認真成立「獨立調查委員會」，董事長審查左香港廠嘅生產線，發覺冇異樣之後再將粒珠仔送左去日本化驗，再審查日本嘅生產線。
Facebook POST：https://www.facebook.com/354485204887177/posts/946624742339884?sfns=mo
事源PO主5月頭嘅時候，有一日食緊廣島菜伴小魚乾飯團，但食食下咬到有硬物，吐出嚟一睇，原來係一粒透明珠仔啊！於是PO主就即刻PM華御結講呢件事，好快就得到回覆。
華御結嘅同事即日約咗佢喺PO主公司樓下見面，退還買飯團嘅錢比我，同拿走咗粒珠仔話拿去化驗。之後一個月，華御結嘅同事KEEP住打電話同EMAIL我，講返跟進嘅進度。佢地首先審查左香港廠嘅生產線，發覺冇異樣之後再將粒珠仔送左去日本化驗，再審查日本嘅生產線。
然後喺6月頭嘅一日，華御結嘅同事打比我話成個審查已經完成喇，要同我報告，再約我見面，仲話帶埋老闆嚟見自己。仲搵嚟百農社董事長西田宗生先生同 ANA嘅海外營業部部長森毅先生同PO主見面，董事長先同我道歉，然後就拿左一個FOLDER出嚟，裡面包括左粒珠仔嘅化驗報告，原來佢係一粒玻璃珠嚟！
然後佢逐頁同我講解一個飯團嘅誕生流程，原來佢有部分嘅食物材料係由ANA提供的，而呢個廣島菜伴小魚乾入面嘅小魚乾就係由ANA提供了。而華御結收到我報告有珠仔之後，佢地已經即時回收同埋停止售賣呢款飯團了。
佢地調查左ANA方面同華御結方面嘅食物原材料生產商，都冇發現有異物嘅問題；再審視左製作飯團嘅工廠生產線嘅每一個步驟，睇下邊個部分會有機會混入異物，最後雖然都係不能確定，唔知會唔會係員工嘅飾物唔覺意跌左落去，不過董事長就好緊張，覺得今次係一個嚴重嘅失誤，所以再親自監督同訓示左工廠嘅員工，確保生產過程係絕對安全同衛生。
「最後董事長送左盒朱古力同華御結現金券比我賠罪。其實我真係冇諗過佢地會咁認真，對自己嘅失誤咁認真檢討，心諗華御結真係好公司啊！今次事件不單冇令我對華御結反感，反而令我對華御結嘅食物安全衛生更有信心了。」
資料來源：https://www.facebook.com/354485204887177/posts/946624742339884?sfns=mo
